Չինացին 24 տարի ապրել է սիրտը որովայնում

24-ամյա Հուանգ Ռոգմինգը՝ Չինաստանի Հենան նահանգից, վիրահատվել է, որպեսզի սիրտը որովայնից կրծքավանդակ տեղափոխի: Այս մասին հաղորդում է Chinadaily-ն:

Նման խնդրով երիտասարդն ապրել է 24 տարի, սակայն վերջերս նրա վիճակը վատթարանում էր: Վիրահատության համար նրա ծնողները կարողացան միջոցներ հավաքել միայն այն բանից հետո, երբ տղան հայտնվեց ԶԼՄ-ների ուշադրության կենտրոնում:

«Դա երազանք է: Ես պատրաստվում եմ բոլորի նման նորմալ կյանք վարել»,- վիրահատությունից առաջ ասել է տղան:

Հիվանդության պատճառով երիտասարդի մոտ շնչահեղձություն էր առաջանում: Երբ նա ոտքի էր կանգնում, սկսում էր կապտել: Բացի այդ, նա մշտապես գտնվում էր հանկարծամահ լինելու սպառնալիքի տակ:

Հարցեր, պատասխաններ, մեկնաբանություններ